مينــا نفس حروف أميــن !

مشهد (1)
المكان : ميدان التحرير
الأبطال : مينا وأمين
أمين كان واقف بيصلى الجمعة
ومينا حامى ضهره

مشهد (2)
المكان : ميدان التحرير
الأبطال: مينا وأمين
مينا كان بيصلى فى قداس الأحد
وبيدعى ربنا
وأمين حامى ضهره

مشهد (3)
المكان: ميدان التحرير
الأبطال مينا وأمين
أمين لما جه يتوضأ مينا صب له المياه
ومينا لما صلى فى القداس ورا أبونا
أمين كان وراه بيقول آميــــــن

مشهد (4)
المكان ميدان التحرير
الأبطال مينا وأمين
مينا وأمين كانوا ماسكين فى إيد بعض وبيهتفوا
"الشعب يريد الحرية"
"عدل - مســاواة"
مينا وأمين واجهوا الموت سوا فى يوم الأربعاء الدامى
مينا وأمين هتفوا سوا وصلوا سوا وأكلوا سوا وشربوا سوا
ضخكوا سوا ودمعوا سوا ودعوا للشهداء سوا
أصل مينا مات أخوه؛ وأمين مات أبوه؛ ودمهم روا ترابها
لا سألت ده انت مين ولا دينك إيه ولا تملك ايه؛ بس بكيت عليه
يا ريت مصر كلها تبقى ميدان التحرير وكلنا نبقى مينا وأمين!

http://www.youm7.com/News.asp?NewsID=367383